Me starta dagen med ein oversiktleg repetisjon over ulike læringsteoriar. Birgit laga eit tankekart over kvart grunnsyn. Det eg syntes var bra med dette, var at Birgit knytta parallellar til dei ulike læringsteoriane, og viste korleis dei hadde utvikla seg, med tanke på filosofane. Det gjorde at eg kunne "sortera" litt i kunnskapen eg har skapa om læringsteoriar, sidan eg har forveksla blant anna element frå konstruktivismen og kognitivismen. Veldig lærerik økt.
I den andre økta for dagen fekk me eit lite påbyggingskurs i Word. Dette programmet er så mykje meir avansert enn det me er klar over!
Me gjekk blant anna igjennom korleis me kunne laga "malar" for oppsett av overskrifter, innhaldsliste og andre strukturmessige ting. Slike teknikkar var veldig interessant og lære seg. Eg ser kor mykje tid ein sparar, men ikkje minst at det vert ryddigare og meir "truverdig" og lese ei oppgåve.
Einaste eg har og utsetje på dette, er at gjennomgongen kanskje vart litt rask, og eg kanskje ikkje fekk alt med meg, men dette skal "friskast" opp igjen, utan tvil!
Abonner på:
Innlegg (Atom)
